Մայրիկ...

Այսօր շատ երկրներում նշվում է մայրերի տոնը, դե ինչպես համոզված եմ, որ գիտենք, մեզ մոտ այդ տոնը անփոփոխ է և նշվում է մարտի 8- ապրիլի 7 միամսյակում: Իսկ շատ երկրներում այն մայիսի՝ 2րդ կիրակի օրն են նշում.

Ճիշտ ասած կարևոր չէ այդ տոնի օրը, կարևորն այն է, որ դու քո սրտում ունենաս այդ տոնը և գիտակցես դրա էությունը: Ամեն մարդ ունի իր զգացմունքներն իր մոր հանդեպ և սխալ է մեկի անունից խոսել, ընդհանրացվածն այն է, որ բոլորը (չհաշված հասարակության աղբը) սիրում և գնահատում  են (ցավոք, որ հաճախ շատ ուշ են գիտակցում) իրենց մայրերին ու նրանց կատարած գործը: Ուղղակի իմ կողմից խորհուրդ՝ հենց այսօրվանից փորձեք գիտակցել ձեր մայրերի կատարած գործը, անուշադրության մի մատնեք նրանց, քանի որ կյանքն անցնում է, օրերը՝ թռնում, և մենք հաճախ մոռանում ենք, որ մեր մայրերն էլ օրերի հետ ծերանում են...
Եվ եկեք նրանց միշտ ժպիտ պարգևենք մեր կատարած գործերով և հաջողություններով:

Մայրս

Մեր հույսի դուռն է մայրս,

Մեր տան մատուռն է մայրս,

Մեր օրորոցն է մայրս,

Մեր տան ամրոցն է մայրս

Մեր հերն ու մերն է մայրս,

Մեր ճորտն ու տերն է մայրս,

Մեր տան անտունն է մայրս,

Մեր արծվաբույնն է մայրս,

Մեր տան ծառան է մայրս,

Մեր տան արքան է մայրս,

Մեր տան անճարն է մայրս,

Մեր դեղ ու ճարն է մայրս,

Մեր տան աղբյուրն է մայրս,

Մեր ծարավ քույրն է մայրս,

Մեր տան անքունն է մայրս,

Մեր անուշ քունն է մայրս,

Մեր տան ճրագն է մայրս,

Մեր արեգակն է մայրս։

Մայրս, մեր հացն է մայրս,

Մեր տան աստվածն է մայրս...

                    Հովհաննես Շիրազ