| 
Հակավիրուսային F-Secure ընկերության փորձագետները վտանգավոր տրոյական Flashback ծրագրի մի տեսակ են հայտնաբերել, որը կարող է վարակել Mac համակարգիչները` տիրոջից աննկատ, հաղորդում է «ՌԻԱ նովոստին»՝ հղում կատարելով ընկերության բլոգին:
Ցանկացած ծրագրային ապահովում տեղադրելու համար OS X համակարգը օգտատիրոջից հատուկ ադմինիստրատորի ծածկագրի ներմուծում է պահանջում: Նախկինում այդ միջոցառումը լրջորեն դժվարացնում էր հաքերների խնդիրը: Apple-ի համակարգիչների համար ստեղծված նախկին ծրագրերի մեծ մասը վարակման համար «սոցիալական ինժեներիայի» մեթոդն էր կիրառում, այսինքն՝ խաբեությամբ փորձում էին ստիպել, որ օգտատերը ինքնուրույն գրի հաքերային ծրագրի գործարկման համար անհրաժեշտ ծածկագիրը:
Ծրոգրի նոր տարբերակը կարող է համակարգչում ներբեռնվել և գործարկվել առանց ադմինիստրոտորի ծածկագրի: Տրոյական ծրագիրը հայտնվում է Mac-ի համակարգում վնասատու կայքի այցելության միջոցով:
Գործարկված տրոյական ծրագիրը կարող է հետևել օգտատիրոջ գործողություններին և դրանց մասին տեղեկություններ ուղարկել չարագործների սերվերին, ինչպես նաև համացանցից կարող է հավելյալ վնասատու ծրագրեր ներբեռնել:
F-Secure-ի փորձագետները պնդում են, որ «ինքավարակումը» հնարավոր է դարձել OS X-ի Java ծրագրավորման լեզվով հավելվածների գործարկման ծրագրային ապահովման խոցելիության պատճառով:
Փորձագետները նաև նշում են, որ իրավիճակը բարդանում է այն պատճառով, որ Apple-ը, որպես կանոն, յուրաքանչյուր նոր վնասատու ծրագրի մասին տեղեկությանը արագ չի արձագանքում, այլ սպասում է, որ դրանք բավականին քանակ կազմեն և այդ ժամանակ թողարկում է անվտանգության համակարգի թարմացումը:
Այնուամենայնիվ Apple ընկերության համակարգիչները, շնորհիվ իրենց OS-ների (Mac OS, iOS), ներկայումս համարվում են անվտանգ և ապահով:
Որպես տեղեկություն` ասեմ, որ iOS 5.1 օպերացիոն համակարգը, որը iPad-ի օպ. համակարգն է ներկայումս հնարավոր չէ "կոտրել",
իսկ iOS 5.0-ն հակերները կարողացել են "կոտրել" մոտ 3 ամսում: (իսկ այդ "կոտրել"-ը միայն հնարավորություն է տալիս ավելացնել նոր ծրագրեր, որոնց օպ. համակարգը թույլ չի տալիս տեղադրել (install):
0 comments:
Comment-ներ գրելու համար սեղմել այստեղ
Post a Comment